Nagpatuman karon og price freeze ang Department of Energy (DOE) sa presyo sa Liquified Petroleum Gas (LPG) sa General Santos City, South Cotabato. Matod sa DOE, sakop sa price freeze ang LPG nga adunay timbang nga 11 ka kilo paubos.
Kini nga lakang gisunod human ideklarar ang State of Calamity sa General Santos City tungod sa 7.8 magnitude nga linog nga miigo sa Mindanao niadtong Lunes. Gipahibalo usab sa DOE nga ang price freeze sa LPG sa General Santos City molungtad sulod sa 15 ka adlaw.
Samtang, gisiguro sa Energy Department nga adunay igo nga suplay sa mga produktong petrolyo ug LPG sa mga lugar nga naapektuhan sa kusog nga linog.
