Gipahibalo sa Philippine Sports Commission (PSC) ang pagtukod og usa ka multi-stakeholder sports panel human sa trahedya nga mikotlo sa kinabuhi sa duha ka miyembro sa Ateneo Men’s Basketball Team nga sila Divine Adili athlete ug Rene Baterbonia.
Ang insidente nahitabo atol sa usa ka team-building activity sa Dipaculao, Aurora, diin base sa inisyal nga report, nalumos ang duha ka atleta.
Sumala sa PSC, ang panel maglakip sa nagkalain-laing sports stakeholders sama sa Samahang Basketbol ng Pilipinas (SBP), UAAP (University Athletic Association of the Philippines), Commission on Higher Education (CHED), ug National Youth Commission (NYC).
Tumong sa maong grupo ang pag-imbestiga sa insidente ug pagreview sa mga kasamtangang safety protocols sa sports training ug activities aron malikayan ang susamang trahedya sa umaabot.
Nagpahayag usab og suporta ang PSC sa mga pamilya sa mga biktima ug nakig-coordinate sa Philippine National Police (PNP) ug Department of Justice (DOJ) alang sa padayon nga imbestigasyon.
Sa inisyal nga findings sa kapulisan, giingong nalumos ang duha human madala sa kusog nga sulog sa tubig samtang naglangoy. Padayon pa ang imbestigasyon sa maong insidente.
