Gikumpirma ni US President Donald Trump nga luwas ang duha ka piloto sa usa ka military helicopter human kini nahagsa duol sa Strait of Hormuz.
Sumala kang Trump, wala’y nasamdan sa insidente ug nakaluwas ang duha ka piloto. Wala usab siya maghatag og dugang detalye mahitungod sa hinungdan sa pagkahagsa sa maong helicopter.
Bisan pa sa nahitabong aksidente, gipadayag ni Trump nga anaa na sa katapusang hugna ang ilang peace deal sa Middle East.
Dugang pa niya, adunay pagkunhod sa mga panagsangka tali sa Iran ug Israel isip kabahin sa mga paningkamot aron mapalig-on ang kalinaw sa rehiyon.
Photo Courtesy: AOL.com
