Giawhag sa Department of Agriculture–National Meat Inspection Service (DA-NMIS) ang mga school canteen ug mga karinderya nga makig-coordinate sa ilang opisina aron masiguro nga limpyo ug luwas ang mga karne nga ilang ginabaligya.
Tumong niini nga mapugngan ang pagbaligya ug pagkaon sa gitawag og “hot meat” o karne nga wala moagi sa hustong inspeksyon og mahimong hinungdan sa sakit o food poisoning, ilabina sa mga estudyante.
Matod ni Fernando Lontoc, istrikto ang ahensya sa pagsusi sa mga hayop nga ihawon aron masiguro nga nakapasar kini sa mga sumbanan sa kaluwasan sa pagkaon. Dugang pa niya, regular usab silang nag-inspeksyon sa mga pasilidad sama sa freezer ug chiller aron masiguro nga hapsay, limpyo ug naa sa hustong temperatura ang pagtipig sa karne.
Giklaro ni Lontoc nga ang mga mikrobyo nga anaa sa “hot meat” dili dayon mamatay bisan pa og hugasan o lutuon kini.
Photo Courtesy: Reddit
