Nihimo og protesta ang mga aktibista ug katawhan sa Nairobi, Kenya aron babagan ang pagtukod sa usa ka US-funded Ebola isolation facility nga gituyo alang sa mga Amerikanong natakdan sa maong sakit sa gawas sa nasod.
Bisan pa man sa kamanduan sa korte nga nagpahunong sa proyekto, gipadayon gihapon kini sa kagamhanan ni Presidente William Ruto tungod sa bag-ohay lang nga gilistahan nga $1.6 bilyon nga health deal niini sa Estados Unidos, usa ka lakang nga giatake sa mga kritiko ug ni kanhi Deputy President Rigathi Gachagua isip usa ka dehado ug “double standard” nga kasabotan nga nagbutang sa kinabuhi sa mga mambalaod ug lungsoranon sa risgo.
Gitan-aw kini isip pag kontra sa tibuok kontinente sa Africa batok sa “America First” nga polisiya ni US President Donald Trump, diin ang mga nasod sama sa Zambia, Ghana, ug Zimbabwe nagsugod na usab sa pagsalikway sa mga ayuda sa panglawas gikan sa Washington tungod sa mga bugti niini nga naglakip sa pagkontrolar sa ilang mga minahan ug pagkuha sa pribadong data sa ilang mga lugar.
Photo courtesy: Daniel Irungu/Fb Page
