Gikansela sa General Santos City International Airport ang mokabat sa 17 ka flights, human sa kusog nga magnitude 7.8 nga linog nga miigo sa Mindanao kagahapong adlawa, Hunyo 8, 2026. Ang kanselasyon, gihimo aron masiguro ang kaluwasan sa mga pasahero ug aviation personnel.
Human sa maong panghitabo, gipahigayon dayon sa Civil Aviation Authority of the Philippines o CAAP ang safety checks ug damage inspection sa airport facilities. Tungod sa kusog nga pag-uyog sa yuta, gi-prioritize sa mga otoridad ang structural assessment sa runway, terminal building ug uban pang critical areas, aron masiguro nga luwas ang pagpadayon sa operasyon.
Samtang padayon ang imbestigasyon ug inspection, gipaabot sa mga airline companies nga mahimo pa ang dugang kanselasyon o delay sa mga flight, kung adunay makita nga peligro. Gi-awhag usab ang publiko nga magpabiling kalma ug mag-monitor sa mga official updates gikan sa airport authorities ug disaster response agencies, samtang nagpadayon ang aftershock activity sa rehiyon.
Photo Courtesy: Business Inquirer
