Mokabat sa 22.5 gramos nga gituohang shabu nga nagkantidad og P153,000 ang nakumpiskar sa Cotabato Police Provincial Office (CPPO), sa ilang kampanya batok sa ilegal nga droga sulod sa 24 oras gikan Hunyo 7 hangtod Hunyo 8, 2026.
Sa taho sa CPPO, duha ka drug suspects ang nadakpan ug duha usab ka kaso ang napasaka human sa tulo ka anti-drug operations nga gipahigayon sa lain-laing lugar sa probinsya.
Gawas niini, duha usab ka most wanted persons ang nasikop, samtang usa ka indibidwal ang nadakpan sa operasyon batok sa loose firearms diin usa ka armas ang nakumpiskar.
Nagpadayon usab ang kapulisan sa ilang mga checkpoint, patrol operations ug pagpatuman sa mga lokal nga ordinansa, isip kabahin sa pagpalig-on sa kalinaw ug kahapsay sa Probinsya sa Cotabato.
Padayon ang panawagan sa CPPO sa publiko, nga makigtambayayong sa kapulisan aron mas mapalig-on pa ang kampanya batok sa krimen ug ilegal nga kalihokan.
Photo Courtesy: Cotabato Police Provincial Office
