Nag-trending sa social media ang vlogger nga Ser Geyben human migawas ang alegasyon nga nalambigit siya sa cheating issue. Sumala sa mga post nga mikalat online, gituohang adunay “kabit” ang vlogger ug nga ang maong babaye adunay lain na usab nga mao matod pa ang hinungdan sa depression niini.
Gilayon kining gitubag ni Ser Geyben pinaagi sa usa ka video, nga giklaro nga walay kamatuoran ang mga alegasyon ug peke ang mga istoryang mikatag sa social media. Matod pa niya, wala siyay gibuhat nga pagluib ug dili tinuod ang mga pasangil batok kaniya.
Imbis nga motubag pa sa mga isyu, mipadayag sa pasalamat ang vlogger sa iyang uyab nga si Elma, nga matod pa niya nagpabiling nagsuporta ug nag-atiman kaniya bisan pa sa kontrobersiya. Dugang pa, ni Ser Geyben nga wala siya pasagdi ni Elma ug dakong kusog ang gihatag niini kaniya sa pagsulbad sa isyu.
Sa karon, padayon ang panawagan sa vlogger sa publiko nga magmatngon sa pagtuo sa mga balitang walay klarong tinubdan ug ihatag ang hustong respeto sa personal nga kinabuhi sa matag usa.
Photo Courtesy: FB/ SER GEYBEN
