Gipahayag ni Senador Robin Padilla nga mas malipayon ug dili ingon niana kabug-at ang iyang pamati sa kalibutan sa showbiz kung itandi sa politika. Matod pa kaniya, lahi ra ang kalipay nga iyang makuha sa shooting tungod kay katuyoan niini ang paglingaw sa mga tawo.
Giluwatan sa actor-politician ang maong pamahayag human sa malampusong preview screening sa iyang pelikulang Bad Boy 3 niadtong June 4, diin nakit-an kaniya ang presko ug stress-free nga panagway atubangan sa entertainment media.
Namatikdan ang kaaliwalas sa hitsura sa senador luyo sa nahitabong mubo nga tensyon tali kaniya ug ni DILG Secretary Jonvic Remulla didto sa Senado sa wala pa ang screening. Lahi ra matod pa sa showbiz tungod kay mainit ang paggakos ug pagdawat sa mga tawo, hinungdan nga nanawagan siya nga angay ampingan ang industriya sa show business.
Photo courtesy: GMA News/POLITIKO
