Gipadayag sa young actress nga si Rhed Bustamante ang mahitungod sa pagkansela nga ipagawas sa sinehan ang iyang pelikulang “The Rapists of Pepsi Paloma. Matod niya, bisan nasubo siya nga nadelay ang screening sa maong pelikula, nagpasalamat gihapon siya sa oportunidad nga mahatagan og kinabuhi ang papel nga iyang gidula isip Pepsi Paloma.
Gibutyag ni Rhed nga bisan pa sa mga isyu, nalipay siya sa ilang working experience uban sa direktor nga si Darryl Yap ug sa tanang kauban sa pelikula. Nagpadayon usab ang ilang paglaum nga sa hustong panahon maipakita gihapon sa publiko ang ilang obra.
Sa laing bahin, nagpadayon ang legal nga kaso batok kang Direk Darryl Yap kalabot sa cyberlibel case nga gisang-at ni Vic Sotto, apan mipadayag ang direktor nga padayon siya sa pagdepensa sa iyang pelikula ug naglaum gihapon nga maipalabas kini sa mga sinehan sa umaabot nga panahon.
Photo Courtesy: x.com/ PEP.ph
