Gibasura sa Department of Justice (DOJ) ang motion for reconsideration ni Sen. Risa Hontiveros nunot sa iyang reklamo batok nil ani Atty. Ferdinand Topacio ug pipila ka mga vloggers. Kini ang reklamong cyberliber ni Hontiveros batok nila Topacio, Jeffrey Celiz, Krizette Chu, Byron Cristobal, Jay Sonza, ug Alex Destor.
Subay sa kopya nga gipadala ni Topacio sa media, gibasura sa DOJ prosecutors ang motion ni Hontiveros gumikan sa kakuwang sa merit. Wala matod pa, igong ebidensiya alang sa pagpamatuod nga gihimo sa mga respondent ang ilang mga pamahayag.
Gihimo sab matod pa, ang mga pamahayag taliwa sa mga nitumaw nga mga public controversies ug pagdungog sa Kongreso kung diin giila kini isip mga opinyo, komentaryo, ug interpretasyon subay sa mga hungihong sa publiko.
Subay sa pakisusi sa DOJ, walay klarong ebidensiya nga nagpakita nga nasayran sa mga respondent nga sayop ang ilang pamahayag kun gituyo nga dili mohatag og pagtagad sa kamatuoran.
Tungod niini, gipalig-on sa DOJ ang unang desisyon ug gibasura ang motion for reconsideration tungod sa kakuwang sa merit.
Photo courtesy: newsinfo.inquirer.net
