Narescue ang usa ka Nepali mountain guide, nga si Dawa Sherpa human siya nawala sulod sa unom ka adlaw sa taas nga bahin sa Mount Everest.
Sumala sa iyang kauban nga si Chris Thrall, nawala si Dawa samtang sila nagkanaog gikan sa taas sa bukid human sila naglisod pagsaka. Sa dihang hapit na sila makaabot sa base camp, kalit lang siya nawala ug wala na makita sulod sa 6 ka adlaw.
Sa report, nakita pa si Dawa nga nagpahulay samtang nagbitbit sa iyang backpack. Apan sa ilang pagpadayon sa pagkanaog, wala na siya makita pag-usab. Tungod niini, nagtuo ang iyang pamilya nga patay na kini.
Apan sa swerte, nakita si Dawa sa usa ka cleaning team nga hinay-hinay nga nagkanaog sa bukid. Karon, anaa siya sa ospital sa Kathmandu ug ginatambalan. Matod pa sa mga rescuers, usa ka “milagro” nga naluwas ang maong guide tungod imposible nga mabuhi ang usa ka tawo ug 6 ka adlaw sa lugar kung asa kini nawala.
Photo Courtesy: SPCC
