Mipadayag ang Bureau of Customs (BOC) nga kapin 3,000 ka balikbayan boxes ang wala pa madeliver gikan sa orihinal nga sobra 40,000 ka kahon nga nagtapok sa lain-laing pantalan sa nasod.
Sumala sa BOC, hapit na mahuman ang paghatod sa mga balikbayan boxes sa kadaghanan nga ports, lakip ang Cebu, Davao, ug Clark, nga nakab-ot na og zero backlog.
Apan nagpabilin nga adunay kapin 3,000 ka kahon nga anaa pa sa Manila International Container Terminal (MICT) ug padayon pa ang proseso sa pag-deliver niini ngadto sa mga pamilya sa mga Overseas Filipino Workers (OFWs).
Gipasabot sa BOC nga ang mga kahon nahilambigit sa reklamo batok sa usa ka freight forwarder nga napakyas sa pagproseso ug paghatod sa mga balikbayan boxes gikan sa 2024 hangtod 2025.
Padayon ang imbestigasyon ug legal nga aksyon sa ahensya aron masiguro ang pagpanalipod sa interes sa mga OFWs ug ilang mga pamilya.
Photo Courtesy:wikipedia
