10 ka tuig na nga manag-uyab sila si Inah de Belen ug Jake Vargas. Alang sa Kapuso actor, sa isa ka dekada nilang panag-uban, makaingon gihapon siya nga wala gyud mahupas ang gugma bisag dugay na silang manag uyab. Wala mawala ang respeto sa ilang pamilya, ug sumala niya si Inah ang ang iyang pahuwayan sa kakapoy sa iyang trabaho ug mga gibuhat. Dugang pa sa actor nga kung wala si Inah dili kompleto ang iyang adlaw.
Matod ni Jake, boto si Janice de Belen og nagbendisyon na sa ilang kaminyoon. Gikataho nga mas nagkailhanay ang couple tungod sa ilang live-in relationship set-up. Dugang ni Jake nga usa sa dakong tabang aron mailhan nila ang batasan sa usag usa mao ang panag ipon sa usa ka panimalay kauban si Inah. Giangkon ni Jake nga nag-estorya na sab sila ni Inah nga magpakasal. Alang sa aktor, dili kinahanglan nga magdali-dali niining mga butanga. Samtang matud niya gusto na usab ni Inah nga magka baby.
Si Jake Vargas unang nisulod sa show business niadtong 2008. Sukad niadto, nagkasagol-sagol na ang mga proyekto sa Kapuso actor, ug gibansagan siya nga ‘Prince of Mall Shows. Makita na ang batan-on sa Pepito Manaloto nga gibidahan ni Michael V. ug nagsaulog sa ilang ika unom nga anibersaryo. Dako ang pasalamat ni Jake sa mga tumatan-aw nga padayong nagsuporta sa ilang programa. Gidala sa aktor ang karakter ni Chito sa Kapuso network sitcom. Si Manilyn Reynes ang nagdala sa karakter ni Elsa, ang inahan ni Jake. Sa tinuod nga kinabuhi, gitratar ni Manilyn ang aktor sama sa tinuod nga anak.
Photo Courtesy: Balita
