Mokabat sa 39 ka mga Former Rebels (FRs) ang nakadawat sa dinaliang hinabang, livelihood, ug reintegration assistance nga nagkantidad ug kinatibuk-ang ₱2,586,000.00 atol sa gipahigayong ikaduhang batch nga pag-apod-apod sa DILG-Administered Package of Assistance pinaagi sa Bukidnon Enhanced Comprehensive Local Integration Program kun E-CLIP Committee
Ang maong kalihokan gipahigayon kagahapon, Hunyo 4, 2026, didto sa Bukidnon Police Provincial Office Covered Court sa dakbayan sa Malaybalay.
Katuyoan sa maong pinansyal nga ayuda nga matabangan ang mga nahisgutang indibidwal sa ilang pagbalik sa dumaan ug malinawong kinabuhi sa komunidad, uban sa suporta gikan sa mga nagkalayong ahensya sa gobyerno nga gipangulohan ni DILG Provincial Director Rhona Pedraza-Abadilla ug Bukidnon PNP Provincial Director PCOL Oliver Navales.
Gawas sa kwarta, gipaubos usab ang mga benepisyaryo sa usa ka oryentasyon sa Provincial Agriculture Office kun PAGRO kalabot sa saktong paggamit sa maong ayuda pinaagi sa gitawag nga “Mungkahing Proyekto.”
Nang-apod-apod usab ang maong buhatan ug mga nagkadaiyang agricultural seeds alang sa ilang pangabuhian, samtang nagtunol usab og dugang food packs ang Provincial Social Welfare and Development Office kun PSWDO alang sa ilang pamilya
Photo Courtesy: DILG – Bukidnon
