Giduso ni tax reform advocate nga si Mon Abrea ang pag-exempt sa income tax sa mga Pilipinong adunay tinuig nga kita nga moabot og P1 milyon aron matabangan ang middle class.
Matod niya, 82 porsyento sa personal income tax collections sa gobyerno naggikan gihapon sa mga empleyado nga adunay regular nga sweldo. Giingon usab niya nga ang pagsaka sa tax-exempt income threshold usa ka dugay nang gihulat nga tax relief alang sa mga Pilipino ug makatabang sa ekonomiya.
Dugang pa niya, daghang miyembro sa middle class ang dali nga malubong sa utang kung maatubang sa grabe nga sakit o emerhensiya.
Apan, gipasabot ni Abrea nga kinahanglan usab sulbaron sa gobyerno ang korapsyon ug tax evasion aron mapalig-on ang koleksyon sa buhis ug mas gaan ang palas-anon sa ordinaryong mga magbubuhis.
Dugang pa niya, importante ang transparency ug patas nga pagpatuman sa mga balaod aron mosaka ang pagsalig sa mga mamumuhunan ug mga magbubuhis.
Photo Courtesy: Dreamstime
