Nagpadayon ang pagpalig-on sa relasyon sa ekonomiya sa nasud-Pilipinas, uban sa mga dagkong nasud nga kaalyado niini, human sa anunsyo sa Canada nga mohatag og bag-ong investment support alang sa usa ka regional economic hub nga konektado sa Luzon Economic Corridor.
Gilauman nga kini nga proyekto, makapadasig sa sektor sa manufacturing, logistics, ug trade connectivity sa Northern ug Central Luzon. Kini usa ka dakong lakang, aron mapalambo ang kalihokan sa negosyo ug trabaho sa maong mga rehiyon.
Sumala sa mga opisyal, ang maong partnership, nagpakita sa padayon nga pagsalig sa mga foreign investors sa ekonomiya sa Pilipinas. Giila usab nga importante kini, aron mapalapad ang oportunidad sa trabaho, ug makapadasig sa mas lig-on nga ekonomiyang regional development sa nasud.
Photo Courtesy: Philstar
