Gikondena sa North Atlantic Treaty Organization (NATO) ang drone strike sa Romania nga giingong gihimo sa Russia human kini miigo sa usa ka residential area ug nakamugna og dakong sunog ug pagkasamad sa duha ka indibidwal.
Nahitabong insidente sa lungsod sa Galati nga duol sa border sa Ukraine. Sumala sa NATO, usa kini ka paglapas nga nakahatag og dakong kabalaka sa seguridad sa rehiyon.
Dugang pa sa NATO, makadaghang higayon nang namatikdan ang mga drones sa Russia nga naglupad duol sa utlanan sa Romania apan kini ang unang higayon nga adunay mga sibilyan nga nasamdan tungod sa maong insidente.
Sa laing bahin, gibutyag sa defence ministry sa Romania nga gilayon nilang gipagawas ang ilang mga F-16 Fighting Falcon fighter jets human mamatikdan ang pagpalupad sa mga drones aron masiguro ang seguridad sa ilang airspace.
Photo Courtesy: Euractic
