Pirme nagdala og mga ginagmay nga pagkaon ang usa ka Uwak, alang sa usa ka iring, nga layaw ug naluya tungod sa kagutom ug daunay sakit daghang mga netizens ang nalipay sa ilang Nakita.
Sumala sa report, nakuha sa CCTV sa usa ka residente ang talagsaong eksena diin adlaw-adlaw gibutang sa uwak ang pan sa atubangan sa iring imbis nga iyang kan-on o ilabay. Wala mahibaloi unsaon pag-ilhanay sa duha ka hayop, apan klaro sa video nga balik-balik kini nga nahitabo.
Giingon usab nga ang iring lisod na makalakaw tungod sa kaliya, apan pinaagi sa ginagmayng pagkaon nga gidala sa uwak, nakakaon gihapon kini matag adlaw.
Ang maong istorya nakapukaw sa emosyon sa daghang tawo online ug naghatag og pahinumdom nga bisan ang mga hayop usahay makapakita og pag-atiman ug malasakit sa usag usa.
Para sa uban, ang maong eksena simbolo sa kamahinungdanon sa pagtabang ug paghatag og gamayng pagtagad sa mga nagkinahanglan.
Photo Courtesy: Facts Pinas
