Nasikop sa Burauen Municipal Police Station (MPS) ang Rank No. 5 Municipal Most Wanted Person nga giilang si alyas “Mar”, 59-anyos ug residente sa Poblacion District 6, Burauen, Leyte atol sa gilusad nga operasyon sa Burauen Municipal Police Station didto sa naasoy nga lugar, pasado alas 9:00 ang takna sa gabie, niadtong nakalabayng adlaw.
Ang suspek gidakop pinaagi sa standing warrant of arrest nga giisyu sa korte tungod sa kasong pagpanglimbong, uban sa girekomenda nga piyansa nga mokabat sa ₱100,000.00.
Atol sa pagdakop, gipahibalo sa hustong paagi ang suspetsado sa hinungdan sa iyang pagdakop ug sa iyang mga katungod sumala sa Konstitusyon sa pinulongan nga iyang hingpit nga nasabtan.
Sa kasamtangan, anaa na sa kustodiya sa Burauen MPS ang suspetsado alang sa hustong dokumentasyon sa dili pa kini itugyan ngadto sa korte nga nag-isyu sa warrant of arrest.
