Naangol ang usa ka 16-anyos nga lalaki human maaksidente sa iyang gimanehong motorsiklo sa Crossing, Barangay Antipolo, Marihatag niadtong nga gabii.
Base sa report, ang biktima nga residente sa Neptune, Diatagon, gikatahong nakainom og makahubog nga ilimnon ug nawad-an og kontrol sa iyang motorsiklo hinungdan nga natumba ug nalabay gikan sa sakyanan.
Tungod sa aksidente, nakaangkon ang biktima og samad sa nawong, pagdugo sa ilong, natangtangan og duha ka ngipon, ug mga samad ug garas sa wala nga bukton.
Dali nga mitubag ang mga responder sa SERTSS Marihatag aron hatagan og first aid ang biktima sa wala pa kini gidala sa Marihatag District Hospital alang sa dugang tambal ug pag-atiman.
Gipahimangnoan usab sa mga responder ang publiko nga likayan ang pagmaneho ilawom sa impluwensya sa ilimnon makahubog aron malikayan ang disgrasya.
Photo courtesy: Erwen Avila
