Nakadiskubre og lahi nga paagi sa pagtambal sa mga paso ang nasud sa Brazil pinaagi sa paggamit sa panit sa tilapia nga isda.
Sumala sa mga eksperto sa Federal University of Ceara, ang panit sa tilapia adunay daghang collagen ug makatabang sa paspas nga pag-ayo sa samad. Human limpiyohan ug sterilize ang panit sa isda, kini ibutang direkta sa paso isip natural nga benda.
Giingon sa mga doktor nga mas epektibo kini kumpara sa ordinaryong gauze bandage tungod kay dili na kinahanglan kanunay ilisan. Nakatabang usab kini sa pagminus sa kasakit nga gibati sa mga pasyente.
Daghang pasyente na ang nakaangkon og maayong resulta gikan sa maong pagtambal. Ang uban nakasulti nga mikunhod ang ilang kasakit ug mas paspas ang pag-ayo sa ilang panit human gamitan sa tilapia skin treatment.
Padayon karon ang pagtuon sa mga Brazilian researchers aron masiguro ang kaluwasan ug kaepektibo sa paggamit sa tilapia skin isip alternatibong tambal sa mga paso.
Photo courtesy: Agência UFC – Universidade Federal do Cea
