Samad ang naangkon sa usa ka senior citizen nga giilang si alyas “Miring,” 60-anyos, residente sa Brgy. Camporog, Villaba Leyte human kini gitigbas sa usa usab ka senior citizen nga giilang si alyas alyas nga “Noy”, 63-anyos ug residente usab sa naasoy nga lugar didto sa Brgy. Camporog, Villaba, Leyte, pasado alas 9:00 ang takna sa butag, niadtong Mayo 26, 2026.
Personal nga miduol sa buhatan sa Villaba Municipal Police Station ang biktima pasado alas 10 sa buntag aron itaho ang nahitabong pag-panigbas kaniya sa suspek sa likod nga bahin sa iyang ulo.
Dali usab nga gidala sa mga personahe sa stasyon ang biktima ngadto sa Villaba Rural Health Unit alang sa hinanaling atensyon medical usa gidala sa Villaba Community Hospital dugang nga pagtambal.
Samtang, pila ka minutos lang ang milabay, miabot usab sa Villaba Municipal Police Station ang suspek aron boluntaryo nga mosurrender diin sa pagkakaron, anaa na kini sa kustodiya sa kapulisan alang sa tukmang disposasyon.
