Nag-trending karon sa social media ang istorya ni Lorenzo Monfardini, usa ka batan-ong production engineer gikan sa Brazil, human sa iyang talagsaong pasidungog sa iyang amahan atol sa iyang graduation.
Imbis nga modawat lamang sa iyang diploma, gidala ni Monfardini ang usa ka bug-at nga gas cylinder o tangke sa gas sa iyang abaga simbolo sa kakugi ug sakripisyo sa iyang amahan nga sulod sa 26 ka tuig nagtrabaho isip gas delivery worker aron matabangan ang iyang pag-eskwela.
Ang iyang istorya nahimong inspirasyon sa kadaghanan, nga nagpahinumdom sa kahinungdanon sa pagrespeto ug pagpasidungog sa mga ginikanan nga nagpaningkamot alang sa kaugmaon sa ilang mga anak.
Photo Courtesy: MaximBady
