Miusos og 18.9% ang sales sa mga sakyanan sa nasod niadtong Abril ngadto sa 27,225 ka units itandi sa nahalin sa parehong bulan sa miaging tuig, sumala sa hiniusang taho sa CAMPI ug TMA.
Kini ang giila nga labing grabeng pag-ubos sa sales sukad niadtong Agosto 2021. Gihulagway sa mga eksperto sa ekonomiya nga ang dakong pag-ubos dala sa pagsaka sa presyo sa lana gumikan sa gubat sa Middle East, lakip na ang pagsaka sa inflation rate ngadto sa 7.2% nga nakaapekto sa badyet sa mga pumapalit.
Tungod sa krisis, naapektohan ang sales sa mga tradisyonal nga sakyanan diin ang passenger cars miusos og 14.2% samtang ang commercial vehicles miusos usab og 20.1%. Ang pag-ubos nitala usab sa mga nag-unang kompanya sa sakyanan sa nasod sama sa Toyota, Mitsubishi, Suzuki, Nissan, ug Ford, nga pulos nakasinati og pagkausos sa ilang kinatibuk-ang halin sa unang upat ka bulan sa tuig 2026 tungod sa mas luya nga dagan sa ekonomiya.
Sa pikas bahin, mitaas ug mikalit ang sales sa mga electric vehicles (EV) sa nasod nga halos ka-upat ka pilo o nisaka og 288% ngadto sa 5,855 ka units niadtong Abril. Sumala sa CAMPI, nagpakita kini nga mas mabinantayon ug praktikal na ang mga mamumuo sa pagkakaron pinaagi sa pagpili sa mga sakyanan nga makatipid sa enerhiya ug dili dako og salig sa fossil fuels.
Photo courtesy: Nikkie Asia
