Gipahibalo sa MNL48 nga opisyal na silang nagkabulag human sa walo ka tuig isip usa sa nailhang P-pop groups sa nasud.
Gikumpirma usab sa ilang ahensya nga P.O.S ang pag-disband sa grupo ug giingong tapuson na lamang nila ang ilang promotional activities hangtod sa katapusan sa bulan. Matod sa management, dili sayon ang ilang nahimong desisyon tungod kay kini giagi pa og lawom ug maampingong panaghisgot sa tanang nahilambigit.
Lakip sa mga rason sa ilang pagbulag mao ang mga isyu sa management structure ug operating environment nga nakaapekto sa operasyon sa grupo.
Nailhan ug misikat ang MNL48 pinaagi sa ilang mga kanta sama sa Pag-ibig Fortune Cookie ug Ikaw ang Melody, uban pa sa ilang mga popular nga awit nga nakahatag og dakong impluwensya sa P-pop industry sa Pilipinas.
Daghang fans sa grupo ang nagpahayag sa ilang kasubo sa social media human sa opisyal nga anunsyo sa pagdisband sa MNL48.
Photo Courtesy: Philsatar.com
