Padayon ang suporta sa Provincial Local Government Unit (PLGU) sa Davao de Oro alang sa mga mag-uuma nga naapektuhan sa grabeng kainit dulot sa El Niño phenomenon.
Kini ang gipahayag ni BM Herv Martelle Z. Apsay atol sa iyang pakighinabi sa Juander Radyo Nabunturan ning bag-ohay lang.
Sumala sa opisyal, nagpadayon ang ilang mga programa ug paningkamot aron matabangan ang mga yanong mag-uuma nga posibleng maapektuhan sa pagkawala sa tubig ug pagkunhod sa ani tungod sa init nga panahon.
Dugang pa niya, nakasentro ang suporta sa gobyerno sa paghatag og ayuda ug dugang serbisyo aron masiguro nga dili mabyaan ang sektor sa agrikultura niining panahon sa kalamidad.
