Gitapukan sa mga bisita ug art enthusiasts ang usa ka zoo sa Massachusetts, Estados Unidos human nagpahigayon ug auction sa mga artwork nga gimugna mismo sa mga mananap.
Ang mga mananap nga anaa sulod sa Buttonwood Park Zoo sa New Bedford, Massachusetts, nga sumala pa gibansay aron makakat-on sa pagpintal gamit ang nagkadaiyang kolor gamit ilang mga ngabil,kamot ug tiil.
Kahibaluan nga gibuhat kining programa aron mahimong malingaw ang bonding sa mga mananap ug ilang caretaker ug mapalambo ilahang relasyon.
Ang mga mananap nga nagdrawing ang gilangkuban sa elepante, unggoy, giraffe, kanding, parrot, pingguins ug daghan pa samtang ang mga nakoleksyon sa auction gamiton kini sa educational program.
Photo Courtesy: UPI
