Mibulag na si Jason Kidd, human sa lima ka tuig nga panag-uban sa Dallas Mavericks isip head coach sa koponan.
Kahibaloang gipangunahan ni Kidd ang Mavericks ngadto sa Western Conference championship ug NBA Finals niadtong 2023-24 season, naapektuhan gihapon ang iyang coaching record sa tulo ka losing seasons, lakip ang pinakabag-ong season diin nakarekord ang team og 25-56 nga standing.
Sa pahayag sa Dallas Mavericks niadtong Mayo 20, gipasalamatan sa organisasyon ang dakong kontribusyon ni Kidd sa franchise isip kanhi player ug ulahi nahimong head coach. Giila usab sa team ang iyang papel sa pagdala sa Mavericks balik sa NBA Finals niadtong 2024.
Bisan adunay nahibiling upat ka tuig sa iyang kontrata nga nagkantidad og kapin $40 million, giklaro sa Mavericks nga nagkasinabot ang duha ka kampo nga tapuson na ang ilang panag-uban.
Photo Courtesy: Yahoo Sports
