Nagpadayon ang Department of Trade and Industry (DTI) sa ilang pagpangandam alang sa 2026 Tatak Pinoy Expo pinaagi sa pagpresentar sa pinal nga layout, disenyo, ug programa sa opening ceremony sa maong kalihokan.
Tumong sa ahensya nga masiguro nga organisado ug makapadani ang maong expo alang sa mga bisita ug partisipante. Ang Tatak Pinoy Expo ipahigayon aron ipakita ang talento, kabag-ohan, ug kalidad sa mga produktong Pilipino sa umaabot nga Mayo 25 hangtod 27, 2026 sa SMX Convention Center Manila.
Gipakita sa DTI nga ang disenyo sa expo maghatag og mas maayong kasinatian sa publiko samtang ipasundayag ang pagka-mamugnaon ug kahusayan sa mga lokal nga negosyante ug industriya sa nasud.
Sumala sa DTI, ang maong kalihokan kabahin sa ilang paningkamot sa pagpalig-on sa mga lokal nga negosyo ug pagdasig sa mas daghang Pilipino nga suportahan ang kaugalingong produkto.
Gilauman usab nga makatabang kini sa pagpauswag sa ekonomiya ug pagpakita sa talento sa mga Pilipino sa lokal ug internasyonal nga merkado.
