Mibisita sa Pilipinas sa mubo nga panahon ang Filipina actress nga si Liza Soberano aron makigkita sa iyang pamilya ug mga higala. Sa iyang Instagram post, gipakita niya ang pipila ka mga litrato uban sa iyang loved ones atol sa iyang pagbisita sa Manila.
Lakip sa nakahatag og atensyon sa mga netizens ang litrato ni Liza uban sa miyembro sa BINI nga si Mikha Lim. Manila for a hot minute, maoy caption ni Liza sa iyang post niadtong Miyerkules sa gabii.
Si Liza Soberano mibalhin sa Estados Unidos niadtong 2022 aron tutokan ang iyang international career. Niadtong 2024, naghimo siya sa iyang Hollywood debut pinaagi sa pelikulang Lisa Frankenstein. Kabahin usab siya sa upcoming animated movie nga Forgotten Island sa dreamworks.com, uban nila H.E.R., Lea Salonga, Dolly de Leon, Manny Jacinto ug Jo Koy. Ang pelikula nagtutok sa kultura ug istorya sa mga Pilipino.
Photo Courtesy:LIZA SOBERANO Instagram post
