Namahayag si Department of Agriculture (DA) Asec. Genevieve Guevarra atol sa pagmonitor sa presyo sa departamento sa Mutya ng Pasig Mega Market nga gitun-an na karon sa DA ang pagpahamtang og P100 nga price cap matag kilo sa carrots.
Nunot kini sa taas nga presyo dili lang sa maong merkado apan lakip na sa ubang mercado tungod sa giingong smuggling niini. Hinuon, wala pay pinal nga impormasyon kung kanus-a mahuman ang nahisgutang pagtuon ug kung kanus-a kini ipatuman.
Samtang, nagkantidad og P160 ngadto sa P180 matag kilo ang presyo sa carrots sa nahisgutang merkado samtang ang ubang mga utanon, sulod pa sa gipatuman nga presyo subay sa bantay-presyo sa DA.
Photo Courtesy: fresh Plaza
