Nipagawas og direktiba si Cebu City Mayor Nestor Archival nga magsul-ob na og body worn camera ang mga sakop sa Cebu City Anti-Mendicancy Office labina sa panahon nga kini manakop og mga manglimosay sa kadalanan.
Subay kini sa isyu sa usa ka senior citizen nga gidakop sa milabay nga semana kinsa matod pa nipasangil sa mga sakop sa CCAMO nga gidagmalanan kini sa dihang gidakop.
Dugang sa mayor nga mas maayo nga magsul-og og mga body worn camera aron nga masubay kung galing aduna na sab motumaw sa samang pasangil. Kasamtangan na nga nakagawas na gikan sa detention cell ang maong senior citizen.
Photo courtesy: istock
