Gipasigarbo sa Filipino gymnast nga si Carlos Yulo ang usa ka “special win” human niya tabangan ang OAJLP Gymnastique sa pag-angkon sa titulo sa French Men’s Artistic Gymnastics Championship sa Top 12 Final nga gihimo sa Amiens, France.
Nakuha sa OAJLP Gymnastique ang gold medal ug napukan ang defending champions nga ASVG Vallauris sa maong team competition.
Si Yulo, nga double Olympic gold medalist, nakakuha og 15.050 sa floor exercise ug 14.250 sa parallel bars.
Sa iyang mensahe sa social media, miingon si Yulo nga dako ang iyang kalipay ug pasalamat sa team, ilabi na sa mga pagsulay ug pressure nga ilang naagian sa kompetisyon, nga nagpaspecial sa ilang kadaugan.
Photo Courtesy: Explained Ph/x.com
