Midawat ang Department of Trade and Industry (DTI) sa bag-ong updated nga Philippine National Standard (PNS) nga ISO/IEC 17020:2026 aron mapalig-on ang inspection ug conformity assessment systems sa nasud.
Tumong niini nga masiguro nga mas luwas, mas kasaligan, ug mas taas ang kalidad sa mga produkto, pasilidad, ug serbisyo sa Pilipinas.
Pinaagi sa Bureau of Philippine Standards, gipulihan ang karaang PNS ISO/IEC 17020:2012 sa bag-ong bersyon nga 2026.
Nagdala matod pa ang bag-ong standard og updated nga teknikal nga revisions gikan sa International Organization for Standardization (ISO) ug International Electrotechnical Commission (IEC).
Sa pagpatuman niini, gilauman sa DTI nga mas mapalig-on pa ang sistema sa inspection sa nasud, aron mas masiguro ang pagsunod sa internasyonal nga kalidad ug safety standards.
Sumala pa nga kini usa usab ka lakang padulong sa mas modernong regulasyon sa mga produkto ug serbisyo sa Pilipinas.
Photo Courtesy : DTI
