Gidayeg ang City Government of Tandag human kini nakadawat og pasidungog gikan sa Commission on Audit (COA) tungod sa maayong performance sa financial reporting.
Ang maong award gihatag isip pag-ila sa episyente ug tukmang pagsumite sa CY 2025 Financial Statements, nga usa sa importante nga sukdanan sa transparency ug maayong pagdumala sa pondo sa gobyerno.
Ang pasidungog gikan sa Commission on Audit (COA) Regional Office No. XIII ug gihatag atol sa ilang 127th anniversary awarding ceremony karong adlawa, Mayo 13, 2026.
Giila sa lokal nga panggamhanan sa Tandag ang maong kalampusan isip resulta sa disiplina ug dedikasyon sa ilang accounting office, ug isip pagpamatuod sa padayon nga paningkamot alang sa maayong governance ug transparent nga serbisyo publiko.
Photo courtesy: City Government of Tandag
