Dakpan sa Tandag City Police Station ang tulo ka suspek sa managlahing police operations nga gihimo niadtong Mayo 8, 11, ug 12, 2026. Ang mga operasyon gipangunahan ubos sa liderato ni Police Lieutenant Colonel Armando A. Martizano, Chief of Police sa Tandag CPS, isip kabahin sa gipahugot nga kampanya batok sa kriminalidad ug wanted persons.
Sa operasyon niadtong Mayo 12, gi-implementar ang search warrant nga nagresulta sa pagkadakop kang alias “Narick,” 43-anyos, sa Barangay Quezon, Tandag City. Giingong narekober gikan kaniya ang usa ka caliber .45 nga pistola, bala, suspected shabu, ug drug paraphernalia. Giatubang niya ang kaso nga may kalabotan sa illegal drugs ug illegal possession of firearms.
Sa laing operasyon niadtong Mayo 11, nadakop si alias “Jessa,” 210-anyos, sa Barangay Bioto, pinaagi sa warrant of arrest alang sa estafa nga kaso nga gi-isyu sa korte sa Santiago City, Isabela, nga adunay rekomendadong piyansa nga ₱18,000.00.
Niadtong Mayo 8, nadakop usab si alias “Chekong,” 21-anyos, sa Purok Million, Barangay San Agustin Sur, Tandag City, pinaagi sa laing warrant of arrest alang sa kaso nga rape.
Gidayeg ni PLTCOL Martizano ang kalampusan sa mga operatiba ug mipasalig nga padayon nilang palig-onon ang operasyon batok sa tanang matang sa kriminalidad aron mapadayon ang kalinaw ug kahapsay sa syudad.
Photo courtesy: Tandag City Police Station
