Naglaum ang Pilipinas sa 3 ka batan-ong karatekas nga manguna sa host country sa Karate One Youth League nga magsugod karong Huwebes sa Mall of Asia Arena sa Pasay City.
Gipangulohan sa Karate ng Pilipinas Sports Federation, Inc. ug giabagan sa World Karate Federation, ang four-day competition magpundok sa mga promising nga athletes gikan sa lain-laing nasud.
Nanguna sa Pinoy campaign mao si 17-anyos Sebastian Neil Mañalac, nga giisip nga usa sa pinakakusgan nga prospect sa junior kumite division. Daghan na siyag nahimong kalampusan sa national championships ug Batang Pinoy, ug nakadaog na usab og medals sa Asian Cadet, Junior and Under-21 Championships. Nakasulod pa siya sa WKF world rankings sa iyang age category tungod sa iyang performance.
Kauban niya si Zian Alexander Sing, 17-anyos, nga nagpakita usab og kusog sa international scene human makadaog sa Shureido International Karate Cup sa Indonesia ug pagdominar sa ubang national tournaments sa Pilipinas.
Apil usab si Aeleyah Magrata, usa ka versatile nga karateka nga makadula sa kumite ug kata. Mocompete siya sa junior women’s -66kg kumite division ug gilauman nga makadugang og kusog sa kampanya sa Pilipinas.
Ang maong torneyo gisuportahan sa Philippine Sports Commission, Philippine Olympic Committee, ug uban pang private partners, nga tumong nga mapalambo ang kabatan-onang talento sa karate sa Pilipinas.
Photo Courtesy: World Karate Federation
