Gipaila karun sa South Korea ang usa ka humanoid robot nga ginganlan og Gabi, ang labing unang robot nga monghe nga opisyal nga miapil sa mga seremonyas sa usa ka Buddhist temple.
Atol sa iyang inagurasyon, gisininaan si Gabi og tradisyonal nga kupo ug prayer beads samtang dungan nga miyukbo sa iyang mga kaubang monghe, usa ka talan-awon nga daw gikan sa usa ka sci-fi movie.
Sumala sa mga opisyal sa templo, tinguha sa maong inobasyon nga anaron ang publiko sa pagpakig-uban sa Artificial Intelligence (AI) sa inadlaw-adlaw nga kinabuhi, diin si Gabi makahimo na sa pag-greet sa mga bisita, paglitok sa mga pag-ampo, ug pagtubag sa mga pangutana mahitungod sa relihiyon. Bisan pa man kon duna’y mga natingala ug nakadayeg, wala usab malikayi ang mga pagsaway gikan sa uban nga nagtuo nga dili angay isagol ang teknolohiya sa sagradong aspeto sa espiritwalidad.
Photo Courtesy: IGNITE YOUR MIND
