Gibutyag in AJ Raval nga dili na siya interesado sa pagbuhat og sexy roles karon nga inahan na siya. Kini iyang gipadayag atol sa guesting niya sa “Fast Talk with Boy Abunda.”
Matod ni AJ, daghan gihapon siyag nadawat nga project offers human sa iyang miaging pagpakita sa programa. Apan wala niya kini gidawat tungod lahi na ang iyang prayoridad karon.
Giingon usab sa aktres nga gusto na niyang magpokus sa iyang pamilya ug sa pagka-inahan. Mas gusto na usab niyang mamili og mga proyekto nga komportable siya.
Nailhan si AJ sa iyang daring roles kaniadto, apan karon lahi na ang iyang panan-aw sa showbiz ug mas importante na alang kaniya ang iyang personal nga kinabuhi.
Photo Courtesy: AJ Raval in recent interview with Boy Abunda
