Gipahigayon niadtong Mayo 11, 2026 ang turnover ceremony sa livelihood assistance alang sa mga mananagat sa Cagwait pinaagi sa panagtambayayong sa lokal nga panggamhanan sa lungsod ug sa Department of Labor and Employment o DOLE.
Ang maong kalihukan gipahigayon sa LGU Cagwait Activity Center ubos sa pagpanguna ni Mayor Glenn G. Batiancila uban sa tabang sa PESO Cagwait isip kabahin sa DOLE Integrated Livelihood Program (DILP).
Mokabat sa ₱2,560,880.00 ang kinatibuk-ang kantidad sa livelihood assistance nga gigahin alang sa proyekto nga “Acquisition of Fishing Boats and Complete Accessories,” nga makabenepisyo sa duha ka asosasyon sa mga mananagat sa lungsod.
Lakip sa mga nakadawat sa ayuda ang Nagkahiusang Mananagat ng Poblacion Cagwait nga nakadawat og ₱1,497,600.00 ug ang Bacolod Fisherfolks Association nga nakadawat usab og ₱1,063,280.00.
Tumong sa maong programa nga mapalig-on ang panginabuhian sa mga lokal nga mananagat pinaagi sa paghatag og mga gamit sa pagpangisda aron madugangan ang ilang kita ug mapauswag ang industriya sa pangisda sa lungsod.
Sumala sa LGU Cagwait, padayon ang ilang paningkamot uban sa PESO Cagwait ug DOLE aron masuportahan ang mga mananagat pinaagi sa malungtarong mga programa sa panginabuhian ug dugang oportunidad alang sa komunidad.
Photo courtesy: LGU Cagwait
