Nagsugod na ang Spain sa pag-evacuate sa mga pasahero gikan sa cruise ship nga adunay kaso sa hantavirus nga nakaangkla duol sa Tenerife sa Canary Islands.
Segon ni Health Minister Mónica García nga ang operasyon “nagpadayon nga normal” ug ang tanang pasahero sakay sa MS Hondius wala pa magpakita og sintomas.
Pinaagi sa taas nga camera lens, makita ang mga pasahero nga naglakaw-lakaw sa deck sa barko o nagtindog sa mga bintana diin ang tanan nagsul-ob og puti nga medical face masks samtang gihimo ang unang evacuation.
Ang uban naglingkod nga adunay social distancing sa gamay nga evacuation boat, samtang nag-video ug nagkuha og litrato sa ilang pagduol sa yuta diin gisugat sila sa mga opisyal nga nagsul-ob og puti nga protective suits.
Gibahin ang mga pasahero sa barko ngadto sa mga grupo base sa ilang nasyonalidad aron hinay-hinay nga madala ngadto sa baybayon. Dad-on sila pinaagi sa bus paingon sa lokal nga airport diin adunay charter planes nga mopabalik kanila sa ilang kaugalingong mga nasod.
Unang minaog mao ang 14 ka Spanish nationals, sunod ang mga pasaherong paluparon sa Netherlands lakip ang Dutch, Greek, ug German passengers, uban sa pipila ka crew members.
Aduna pay ubang flights nga andam mobiya human niini, lakip na ang paingon sa United Kingdom ug United States. Gilauman ang katapusang evacuation flight nga mobiya sa Lunes paingon sa Australia
Photo Courtesy: The Associated Press
