Natingala ug nahibulong ang mga residente sa Jiangyin, China human makita sa kalangitan ang talagsaong panganod nga adunay dagway sama sa balhibo ug kolor sa rainbow niadtong Mayo 9 ug 10, 2026.
Base sa viral nga hulagway nga mikaylap online, giila kini nga “iridescent cloud” nga nabuo tungod sa pagsidlak sa kahayag sa adlaw ngadto sa gagmayng ice crystals taas sa atmospera.
Tungod niini, migawas ang nagkadaiyang kolor nga naghatag og talagsaon ug maanindot nga tan-awon sa kalangitan.
Sa pagkakaron, daghang netizens ang nagpahayag sa ilang kahibulong sa maong natural nga panghitabo.
Photo Courtesy: Reddit
