Direktang nanawagan si World Health Organization (WHO) Director-General Tedros Adhanom Ghebreyesus sa mga residente sa Tenerife, Spain nga magpabiling kalmado kalabot sa pag-abot sa cruise ship nga MV Hondius nga adunay kaso sa hantavirus.
Sa iyang mensahe, si Tedros niingon nga ang sitwasyon sa COVID-19 pandemic dili angay ikumpara sa hantavirus tungod kay ubos pa ang risgo niini sa publiko.
Giangkon niya nga grabe ang Andes strain sa hantavirus human namatay ang tulo ka mga pasahero, apan iyang gipaniguro nga walay bisan usa nga sakay sa barko ang nagpakita sa mga sintomas.
Gipasabot ni Tedros nga estrikto ang plano sa Spain sa pagpabakwit sa mga pasahero, diin dad-on sila sa industrial port sa Granadilla ug diretsong dad-on balik sa ilang tagsa-tagsa ka nasod nga walay maka-interact ang publiko.
Photo Courtesy: Yahoo
