Napahigayon sa Overseas Workers Welfare Administration (OWWA) XI ug ang lokal nga panggamhanan sa Panabo pinaagi sa City Public Employment Service Office (PESO) sa pagpasiugda og Reintegration Caravan alang sa mga Overseas Filipino Workers (OFWs) niadtong Huwebes, Mayo 7, 2026, sa Panabo Multipurpose Gym.
Tumong sa maong kalihokan nga masuportahan ang mga OFW pinaagi sa lain-laing programa ug serbisyo alang sa reintegration ug malungtarong panginabuhian sa pagbalik nila sa komunidad.
Lakip sa mga nakabenepisyo ang mga OFW nga na-repatriate gikan sa lain-laing nasud, mga mibalik sa Pilipinas sulod sa lima ka tuig, mga nagbakasyon karon sa nasud, ug miyembro sa OFW Family Circle.
Gipahigayon usab ang livelihood trainings sama sa beads craft making, perfume making, ug fuzzy wires craft making, samtang mitambong usab ang nagkadaiyang ahensya sa gobyerno aron maghatag og serbisyo ug oportunidad alang sa mga partisipante nga mitungha sa giingong aktibidad.
Photo Courtesy : Panabo City Information Office
