Naghatag og dakong garbo sa lungsod sa Malapatan, Sarangani ang batan-ong atleta nga si Dhem AJ Sabanal Monton human makadaog og duha ka gold medal sa NCAA Season 101 nga gihimo sa New Clark City, Tarlac niadtong Mayo 5 hangtod 7, 2026.
Nasungkit ni Monton ang gold medal sa 1500-meter ug 800-meter run isip student-athlete sa Jose Rizal University. Tungod sa iyang kadaogan, nakatabang siya aron mahimong overall 1st runner-up ang ilang unibersidad sa maong kompetisyon.
Ang maong kalampusan ni Monton naghatag inspirasyon sa mga batan-ong atleta pinaagi sa iyang disiplina ug dedikasyon sa sports.
Simbolo usab kini sa iyang paningkamot aron mapalambo ang iyang talento ug makigkompetensya sa mga bagtik nga atleta sa nasud.
