Sumala sa labing bag-ong datos gikan sa Philippine Statistics Authority (PSA) niining Mayo 2026, ang rehiyon sa SOCCSKSARGEN nitala og 8.2% nga rate sa teenage pregnancy. Tungod niini, ang atong rehiyon karon ang ikaduha sa tibuok Pilipinas nga adunay pinakataas nga ihap sa mga batan-ong mabdos (edad 15-19), kauban ang rehiyon sa MIMAROPA, samtang ang Zamboanga Peninsula ang nag-una sa listahan.
Ang maong datos gikan sa 2025 National Demographic and Health Survey (NDHS) nagpakita og dakong nga pagsaka. Niadtong 2022, anaa lang sa 3.7% ang ihap sa mga teenagers nga nakasinati na og pagmabdos, apan pag-abot sa 2025, misaka kini ngadto sa 7.6%. Buot ipasabot, kapin sa doble ang gidaghanon sa mga batan-on nga sayong ningsulod sa pagka-inahan sulod lang sa tulo ka tuig dinhi sa atong dapit.
Gipagawas kini nga impormasyon aron mahimong basehan sa mga opisyal ug ahensya sa gobyerno sa paghimo og mga lig-on nga programa alang sa mga batan-on. Tumong niini nga matabangan ang mga kabatan-onan nga malikayan ang sayong pagmabdos ug masiguro ang ilang maayong panglawas ug kaugmaon subay sa mga plano sa kalamboan sa nasud.
Photo Courtesy: KJK Hospital
