Mipasidaan ang Manila Electric Company (Meralco) sa posibleng pagsaka sa singil sa kuryente sa buwan sa Mayo tungod sa paghuyang sa peso batok sa dolyar ug pagsaka sa presyo sa spot market ug supplier.
Matod sa tigpamaba sa Meralco nga si Joe Zaldarriaga, posibleng motaas ang kinatibuk-ang bayronon sa kuryente tungod sa epekto sa sitwasyon sa Middle East ug pag-us-os sa peso.
Gawas sa posibleng pagsaka sa singil, gipaabot usab nga motaas ang konsumo sa mga konsumidor tungod sa grabeng kainit karong ting-init.
Bisan pa, adunay daghang mga hinungdan nga makatabang sa pagkunhod sa presyur sa presyo sa kuryente. Apil na niini ang gipamubo nga panahon sa refund nga katumbas sa pagkunhod sa P0.23 matag kilowatt-hour ug ang pagtangtang sa value-added tax sa natural gas gikan sa Malampaya nga makapamenos niini og P0.20 matag kilowatt-hour.
Giklaro usab ni Zaldarriaga nga ang gitawag nga “public policy charges” nga gituki karon sa social media magpabilin sa bill sa kuryente, hangtod nga adunay balaod nga nag-amendar niini
Photo Courtesy: Meralco
