Giaprubahan sa Land Bank of the Philippines ang ₱2.5 bilyong loan alang sa implementasyon sa 12 ka dagkong proyekto sa Probinsiyal nga Panggamhanan sa Davao del Norte.
Sumala ni Governor Edwin I. Jubahib, tumong sa maong loan nga mapalig-on ang economic enterprise sa probinsiya aron mas mapadayon ang serbisyo sa katawhan ug mapaspasan ang kalamboan sa mga barangay.
Lakip sa mga proyekto ang Davao del Norte Convention Center with Dormitory sa Tagum City, Multi-Purpose Coliseum, Provincial Training Center sa Samal, flood control projects, ug infrastructure support alang sa mga barangay.
Aduna usab pondo alang sa counterpart sa probinsiya sa mga programa sa agrikultura sama sa Philippine Rural Development Project (PRDP) ug Mindanao Inclusive Agriculture Development Project (MIADP).
Gipasiugda usab ni Gobernador Jubahib nga ang mga proyekto makatabang sa pagpadayon sa ekonomiya sa probinsiya ug suporta sa Zero-Billing Program sa mga provincial hospitals.
Samtang, gibutyag ni LandBank Executive Vice President Charlotte Conde nga usa sa ilang kasaligan ug maayong kliyente ang Davao del Norte tungod sa maayong record niini sa pagbayad sa mga loans.
Photo Courtesy : davaodelnorte.gov.ph
