Usa ka kompanya ang nakahunahuna og lahi nga paagi sa pagpatay sa sunog—dili tubig, dili kemikal—kundi tunog.
Ang Sonic Fire Tech, nga gimugna sa aerospace engineer nga si Geoff Bruder, nag-develop og teknolohiya nga mogamit og low-frequency sound o infrasound aron mapalong ang kalayo. Sa yano nga pagsabot, “gikulata” sa tunog ang oxygen aron dili na makakaon ang kalayo—murag giingnan og “ayaw na pagdako diha!”
Sumala sa kompanya, epektibo kini ilabina sa gagmay nga sunog ug dili na kinahanglan mabasa ang balay sa tubig aron mapalong lang ang kalayo. Kini usa ka limpyo, og sosyal nga pamaagi.
Apan dili pwede nga magpasiga og kalan unya “sound system” ang gamiton pagpalong—kay limitado ra kini sa gagmay nga sunog.
Bisan pa, nagpadayon ang pagtuon sa maong teknolohiya, ug posible nga sa umaabot, imbes fire extinguisher, speaker na ang atong kuptan kung naay sunog.
Sa sunod higayon nga naay kalayo, dili na “tubig!” ang imong isinggit—kundi “volume sa speaker kusgi!”
Photo courtesy: Oddity Central
